"Su cartellu industriali de su lati est s'arresponsàbili de s'arrutroxa de sa pastoria". aMpI participat a sa manifestada Mps

(IlMinuto) – Casteddu, 21 de su mes'e argiolas - "Sa Sardigna tzivili e traballadora at a cabai in pratza cun su Mps po agiudai s'ecunumia de sa natzioni nostra e po denuntziai su progetu de fai de s'ísula unu logu sperdiu e sotomitiu totu custu po mori de is atzionis colonialistas e militaristas de s'Itàlia". Cun custus fueddues a Manca pro s'Indipendenzia annuntziat sa participatzioni sua a sa manifestada avisada de Mps po su 26 de su mes'e argiolas in Casteddu. S'organizatzioni de sa manca indipendentista - si ligit in d-unu comunicau de imprenta - "at a torrai a caminai a su costau de is pastoris in lota [...] po denuntziai ananti de sa genti sarda su cartellu de is industrialis de su lati, primu arresponsàbilis de su decadessimentu de su cumpartu".