Avenimentus: in Jersu torrat su Wine Festival

(IlMinuto) – Casteddu, 3 de su mesi austu - Su Wine Festival at a torrai in Jersu allirghendi is merì ogiastrinus. De su 4 a su 10 de su mesi austu sa festa chi afestat su Cannoau s'at a tenni aintru de una sémida stravanada e màgica, chi s'at a movi de s'anfiteatru béciu a is arrugas de sa bidda po lompi in su tzentru istóricu. Medas is avenimentus in programma, intre de is calis ddoi funt "Ogliastra Teatro – Festival dei Tacchi"e sa XXXII Sagra de su Binu. Diris de teatru, música e traditzionis. Totu cundiu de unu binu bellu meda e de is pratus tipicus. Sa manifestada at acabai su 10 de su mesi de austu cun "Calici di Stelle". S'avenimentu at essi aghilliu in is cantinas antigas, calencuna est stetia fabricada in s'arroca. Innoi ant a benni serbius is binus prus bellus fatus de sa Coperativa "Antichi Poderi", acumpangiaus de sa cosa de papai de su logu: culurgionis, cocois prenas, sibroni a suchitu, pressutu e cosas diaci, casu e drucis.