Concertus: su 20 de su mesi de su auatu "Impari contra a sa sclerosi". Artziat in su palcu Alessandro Marino

(IlMinuto) – Casteddu, 3 de su mesi austu - Patada tenit una percentuali - su 4 po centu de sa genti - de personis chi tenint sa sclerosi multipla e s'aministratzioni de sa bidda s'impignat meda in sa lota contra a custu mabi. Su 29 de su mesi de làmpadas su Consillu comunali patadesu at aprovau a concordiu una proposta "cun s'obietivu de sensibilitzai sa Giunta regionali asuba de s'abisóngiu apretosu de autoritzai sa sperimentatzioni puru in Sardìnnia de sa cura Zamboni". Su 20 de su mesi de austu in su campu sportivu Malchittu ddoi at essi, a cumentzai de is 20.00, su cuncertu "Uniti contro la sclerosi – Not(te) per (r)Esistere", cun sa participatzioni de su cantautori romanu Alessando Mannarino. "Una manifestada - si ligit in d-una nota - dedicada a totus is personis de sa Sardìnnia chi tenit sa sclerosi multipla, chi ant a podi participai intrendi a gratis e ant a tenni is postus allogaus. Is incàscius de sa manifestada ant essi donaus totu in beneficientzia".
S'intrada costat 10 eurus