Dimissionis Cappellacci. Cumpostu (Sni): “Scéti unu cuaddu de pruini po cuai sa beridadi a is sardus”

(IlMinuto) – Casteddu, 1 de su mesi de austu - "Mellus tzeracus in su Cuirinali chi in Palatzu Chigi? Nosu indipendentistas no eus andai in pellegrinagiu ni in d-unu logu ni in s'àteru, eus a essi in pratza cun is sardus líberus e chena de sagristias". Cun custus fueddus su cordinadori de Sardigna Natzione Indipendentzia, Bustianu Cumpostu, comentat s'amaletzu de Ugo Cappellacci de lassai su Pdl e is reatzionis de is partidus a sa cosa. "S'amaletzu de torrai sa tessera fatu de Capellacci - comentat Cumpostu - artziat unu dúbiu chi trumentat e chi at a trumentai a is sardus de is presídius no radar e a sa genti chi abetat su cumussàriu chi at a scicutai sa domu insoru; est de importu mannu sciri si Cappellacci si ndi bolit diaderus andai o chi no est aici". "Is rapresentantis sardus de is partidus italianus - sighit su rapresentanti indipendentista - funt buddendi. Tocat a fai artziai debressi su pruini chi est in is partis, custa borta tocat a is dimissionis. Tocat a cuai debressi a is sardus sa beridadi: sa befa de sa Tirrenia, is 'disrobos' de is intradas e de su dinai fas, tocat a cuai ca totu custu est fillu scéti de s'acàpiu de tzerachia chi sa Sardìnnia tenit a faci de s'Itàlia".