Dimissionis Cappellacci. Pcl: "Presidenti disisperau. Gherraus impari po una furriada sotziali"

(IlMinuto) – Casteddu, 2 de su mesi austu - "A su presidenti de sa Regioni sarda no est abarrau àteru ca s'atacai a s'autonomismu "interclassista" cosa sèmpiri fata de is guvernus regionalis democristianus acotzaus de is togliatianus". Cun custus fueddus su cordinamentu regionali de su Pcl comentat s'amaletzu de Ugo Cappellacci de lassai su Pdl po mori de is scontrórius nascius asuba de sa contienda de is intradas fiscalis ede sa Tirrenia. Su Pcl s'intregat a sa "furriada sotziali" e proponit "a is comunistas, a sa manca classista e libertaria, a a Manca pro s’Indipendentzia, chi ant sfilau impari in Tàtari s'undixi de su mesi de làmpadas passau po sa libertadi de Bruno Bellomonte" de fai unu "fronti únicu" po "concuistai su guvernu de sa classi traballadora in Sardìnnia".