Ecunumia: 3200 amaistramentus po chini est circhendi traballu

(IlMinuto) – Casteddu, 2 de su mesi austu - "Frimai sa crisi de su disimpreu". Est custu - po s'assessori regionali de Traballu Franco Manca - s'obietivu de is 3200 amaistramentus de ses mesis chi ant essi ativaus cun su bandu de sa Regioni Sardìnnia e de s'Agentzia po su Traballu. Su progetu est po is disimperaus, po chini no tenit traballu e po is personis chi no pigant is amortitzadoris sotzialis". Is scientis ant a arriciri 500 eurus a su mesi. Is "voucher" - si ligit in d-una nota - "ant essi donaus a totus is sugetus residentis in Sardìnnia, in basi a su númeru de is disimperaus e a su númeru de is personis chi funt chena de traballu chi s'agatant in is divesus Comunus". At essi assegurau assumancu unu "voucher" po Comunu. Po ndi sciri de prus: www.sardegnatirocini.it