Fogus: Ambientalistas a s'assessori Oppi: "Firmai sa cassa po arresparmiai àterus dannus a is animabis"

(IlMinuto) – Casteddu, 30 de su mesi de austu - "Firmai sa cassa in totu o in d-una bella parti de sa Sardìnnia o dda interdìxiri assumancu in is primu cincu diris de sa stagioni 2011-2012. Est custa sa dimanda chi is "Amici della Terra", sa "Lega per l’Abolizione della Caccia" e su "Gruppo d’Intervento giuridico" faint a s'assessori regionali de s'Ambienti, Giorgio Oppi, cun s'iscopu de arresparmiai àterus dannus a sa fera, posta mali meda po mori de is fogus de is diris passadas. "Adolumannu - si ligit in d-una nota online - is galliofus chi ponint fogu sighint a abruxai a sa Sardìnnia, cun dannus grais meda puru a s'ambienti e a sa fera".