Fogus: arruinaus assumancu milla ètarus de Sardìnnia. Is síndigus pedint su stadu de disgràtzia

29 Austu 2011
Image
incendi-Sardegna-300x191.jpg


(IlMinuto) – Casteddu, 29 de su mesi de austu - Milla étarus e prus de satus, pascidroxus, bingias, ortus e olivàrius mortus. Est custu su bilantzu de is tres fogus postus cun dolu chi ant bociu sa Sardìnnia a cumentzai de cenàbara a apustisprangiu, candu tres fogus mannus intre Àrbus e Gonnesa ant cumetzau a si papai totu e is turistas funt stetius stresiasus de Cala Domestica. In is diris de sàbudu e de domínigu su fogu est stetiu agiudau de su bentuestu. E ariseru funt stetiu bocius centanas de étarus intre Talàna e Lotzorai in Olgiastra. Tres diris de fogu chi ant trisinau puru is territórius de Cabuderra cun is pampas chi  furiat po lompi in d-un'arricoveru, Pauli, cun su fogu arribau acanta de su Policlinicu, Bacu Abis, Sàrdara, Macumère, Seui, Santu Lussurzu, sa periferia de Terranòa, Biddesartu, Murèra, Paùli Xrexèi, Santu 'Engiu, Gonnos, ddoi furiant fogus prus piticus in Sestu, Deximu Mannu e Assèmini. Is amministratzionis comunalis de calencunu de is territóriu arruinaus de su fogu ant giai pediu s'arreconnoscimentu su stadu de disgràtzia, denuntziendi in calencunu casu su tardamentu de is canader in agiudu de sa Forestali, de is voluntàrius, de is Pompieris e de is elicòterus regionalis.



© RIPRODUZIONE RISERVATA
Tags