In Istersìli sa IV editzioni de sa Sagra de su Frigadori e de is cocoeddas

(IlMinuto) – Casteddu, 1 de su mesi de austu - Ocannu lompit a fai cuàturu annus sa Sagra de su frigadori e de is cocoeddas de Istersìli. S'eventu est po cenàbara 12 de su mesi de austu a cumentzai de is 17.00 i est aprontau de "A.T. Pro-loco" Istersìli cun s'idea de fai "torrai a scoberri is saboris de su tempus andau, passendi una diri difarenti e praxili, in d-una biddixedda bellixedda e simpli innui su tempus s'est frimau". In sa bidda cabilla, su bisitadori no at insutzúliai scéti su fabau, ma is ogus e su tocu puru, gràtzias a s'aparada bella meda de is prodotus de s'artesanau de su logu. Su merì at a benni allirgau de sa cantanti Francesca Lai e de su sonadori de sonetu Bernardino Boi. A faciora de is 21.00,  ant a comentzai is baddus in cumpangia de is maistus Andrea Puddu a su sonetu e Jonathan Della Marianna a is launeddas. Po pediri scedas tocat telefonai a su númeru 3930500876 o scriri a: proloco.esterzili@tiscali.it