Manuvra "contra a sa crisi". Fds Crabònia narat ca nono a is irminorigamentus in citadi: "Cappellacci lessat su postu"

(IlMinuto) – Casteddu, 24 de su mesi de austu - Is irminorigamentus de sa manuvra "contra a sa crisi" ant ferri s'ocupamentu e sa cultura de Crabònia. Est cantu denuntziat cun d-una nota de imprenta su cordinamentu tzitadinu de sa Fds. "Su Tzentru italianu Cultura de su craboni e s'annìtiu museu - precisat sa Fds - arriscant sa serradura po mori de s'irminorigamentu de su 70-80 po centu de su dinai (tzifra simili a sa chi sa Giunta Regionali bolit "arregalai" a su meeting de Comunione e liberazione). In su mantessi mamentu est in programma sa bocidura de su Tzentru nou de Sardìnnia Circas prevìdiu po sa tzitadi de Crabònia, àterus 10-12 postus de traballu bolaus". Sa fds donat is crupas a sa Giunta regionali. "Cappellacci – precisat sa nota - torrat a tragai a sa Sardìnnia in su medioevu aundi issu est su Visurrei, unòmini de pagu contu cantu depit artziai sa conca cun su Guvernu natzionali chi sighit a fai morri su Surcis e totu sa Regioni [...]. Lassit su postu".