Manuvra “contra a sa crisi”. Sa proposta de Sni: “118 comunus sardus chentza de bandera italiana”

(IlMinuto) – Casteddu, 24 de su mesi de austu - "Remplasai a is 118 comuneddus statalis italianus bogaus de sa manuvra cun ateratuns comunus regionalis sardus cun síndigus in fassa cuàturu morus e bogai sa bandera italiana in is Domos Cumonales Sardas, in is tzelimónias ufitzialis remplasendiddas cun cussa sarda". Est cantu proponit cun d-una nota de imprenta Bustianu Cumpostu, cordinadori natzionali de Sardigna Natzione Indipendentzia, in arrespusta a is irminorigamentus prevìdius de sa finantziaria Tremonti. "Est arribada s'ora de truncai sa cadena de sa dipendéntzia - precisat Cumpostu - e de ndi liai unu pagheddu de bandereddas italianas de is Comunus, de is Provìntzias e de is Prefeturas. Si iaus a podi uniri a su concordu de is chèscias, nai ca, sumendi is 500 millionis de sa manuvra a is 800 de is intradas fiscalis negadas, a is 400 de àteras leis comenti s' acórdiu de stabilidadi, sa Sardìnnia at a tenni 1700 millionis de eurus de mancu, ma no ddu fadeus poita custas chescias funt de tzeracus disapagaus […] no de pópulu strecau chi si bolit liberai".