"No sciollit niscuna chistioni". Prc Tàtari bullat a sa chímica birdi

(IlMinuto) – Casteddu, 3 de su mesi austu - "Su progetu chi bit s'acórdiu intre is sindacaus, su guvernu, is entis de su territóriu e impresas (Eni, Novamont, Polimeri Europa, Syndial e Enipower) no sciollit nisciuna chistioni de su territóriu a cumentzai de is boníficas, unu de is modus po amparai is postus de traballu e cumentzai a pentzai a s'ambienti". Cun custus fueddus sa Federatzioni de Tàtari de su Prc bullat "chena de torrada" su polu de sa chímica birdi de Pòrtu Turre. "Su progetu de una chímica 'noa' - si ligit in su documentu aprovau de sa Federatzioni - no rapresentat po nosu un'abetu po custu territóriu arruinau de su disimpreu,  sa solutzioni no est torrai a cunvèrtiri su sistema de produtzioni in modu ecologicu. Ma est comenti torrai agoa a sceberus chi oi sighint tambeni a si fai pagai is cusseguéntzias".