Su Tar strumpat sa Giunta scéti de óminis de Cappellacci. Zuncheddu: "Decadessimentu democratzia"

(IlMinuto) – Casteddu, 3 de su mesi austu - Su Tar scancellat sa Giunta Cappellacci. Cun d-una senténtzia chi aghillit su arrecursu presentau de is consilleras Zuncheddu (Indipendentisti) e Francesca Barracciu (Pd) su Tribunali aministrativu regionali de sa Sardìnnia at annullau is decretus de incàrrigu de is assessoris de unu Guvernu regionali chi ndi bogat de unu totu a is féminas. "Gràtzias a su Tar Sardìnnia - cumentat Zuncheddu - agatat fini sa stagioni mìsera de sa política de una Giunta totugantu de mascus bófia de su Presidenti Cappellacci chi, no arraspetat is diritus de rapresentàntzia deprus de su 50 po centu de sa sotziedadi sarda, at donau s'incàrrigu scéti a óminis liendi de mesu is féminas". "S'interventu de su Tar - concluit sa rapresentanti indipendentista - po torrai a decretai sa legalidadi aintru de s'istitutzioni prus importanti de sa Sardìnnia abarrat in dónnia modu unu sinnabi grai de su decadessimentu de sa democratzia e de is valoris de paridadi".