Avenimentus: in Casteddu tres diris de "Unità in Festa"

(IlMinuto) – Casteddu, 28 de su mesi de cabudanni - De su 29 de su mesi de cabudanni a su primu de su mesi ledàminis, dibàtidus, ispetàculus e cosa de papai bella meda. At essi custu su programa de "Unità in Festa", s'atopu de sa Fds de su tzentru istóricu de Casteddu aprontau de is tzirculus de su Prc e de su Pdci, s'unu e s'àteru dedicaus a Palmiro Togliatti. Sa festa s'at tenni in su Terraprenu de s'Arburada Arreina Elène. "In donniuna de is tres diris - si ligit in d-una nota - ddoi at essi unu dibàtidu públicu asuba de temas políticus e sotzialis. Arricu puru su programa de is ispetàculus". Su primu de is dibàtidus, prevìdiu po cras a is 18.00, at a fueddai de "La Sardegna che lotta contro la crisi". Po totu su tempus de sa festa s'at podi bisitai una mostra fotografica, ddoi ant essi puru is barracas de is assótzius "Anpi", "Italia Cuba" e "Sardegna Palestina". "Comenti sèmpriri - pretzisat su Comitau aprontadori, presidenti Elena Tradori - ddoi at essi su serbítziu de po comporai su madiari cun cosa de papai bella meda a pagu prétziu".