Culturas. Zuncheddu: “In Casteddu debressi domus de cultu po totus is comunidadis religiosas”

(IlMinuto) – Casteddu, 1 de su mesi de cabudanni - "Biu is dichiaras fatas de calencunu assessori, bollu isperai chi si passit allestru de is fueddus a is fatus e chi totus is comunidadis religiosas chi ddoi funt tengant fiamenti is logus de cultu insoru in d-una Tzitadi laica […] e internatzionali". Cun custus fueddus Claudia Zuncheddu, consilleri regionali indipendentista, comentat sa festa de ringratziamentu po sa fini de su Ramadan, chi s'est tenta in is diris passadas in sa Fiera de Casteddu. Comenti consilleri comunali casteddaiu, Zuncheddu iat presentau una proposta po sa "cuntzessioni de is  propriedadis de su comunu chi no funt impitadas, comenti is crésias scunsagradas e scabidadas, a sa comunidadi de fidi cristianu-ortodossa chi ddoi funt in tzitadi, chi ndi iat fatu dimanda in diversas circustàntzias". "Adolumannu - acrarat Zuncheddu - is arrexonis de sa 'Cúria casteddaia' iant bintu a sa 'laicidadi de is istitutzionis'".