Lei eletorali: su Pdci bullat a su referendum contra a su "Porcellum". Sighit s'arregorta de is firmas

(IlMinuto) – Casteddu, 5 de su mesi cabudanni - Sighit s'arregorta de is firmas in acotzu de su referendum contra a sa lei eletorali "Porcellum" po torrai a cussa "Mattarellum" (75 po centu de is parlamentaris elìgius cun su magioritariu, 25 po centu cun su proportzionali). A custa campannia referendaria funt participendi rapresentantis de su Pd, de Fli, de su Pli e de s'Idv, ma no ddoi est su Pdci, chi no at a acotzai a s'arregorta de is firmas. Po su cordinadori regionali de su Pdci Alessandro Corona sa lei eletorali proposta de su referendum no iat a permiti a is tzitadinus de sceberai is próprius rapresentantis in Parlamentu."In dónnia colléziu - acrarat Corona - is eletoris ant a podi sceberai intre duus o a su prus tres candidaus. E custus candidaus ant a sighiri a essi sceberaus de is segreterias de is partidus".