Lei po su Golf: s'opositzioni lassat su Consillu (Prc): "sa Sardìnnia no est un'isterrimenta de campus birdis"

(IlMinuto) – Casteddu, 15 de su mesi de cabudanni - Est aciocu in Consillu regionali asuba de sa lei po su Golf. Ariseru a meigama totus is grupus de s'opositzioni ant lassau s'area agoa de s'aprou de s'artículu 5 de su provedimentu, donendi is crupas a sa majoria de tenni s'iscopu de fai un'àteru guastu ambientali in s'Ísula. Asuba de sa chistioni de su turisimu de su golf e asuba de sa campannia de publicidadi chi fueddat de s'arrevisioni de su Ppr fueddat Laura Stochino, segretàriu regionali de su Prc. "Sa Sardìnnia est su paisàgiu suu - scririt Stochino arremonendi una frasi de sa campannia - no est un'isterrimenta de campus birdis". "Su 'pranu de isvilupu turisticu atressu de su golf' […] – precisat Stochino - modificat in manera sustantziali su paisàgiu sardu e isfrutat s'àcua chi est giai iscassa. Aintru de custu modellu de isvilupu turisticu no si fabricant is cunditzionis po donai a is traballadoris sardus sa possibilidadi de essi atoris printzipalis de unu turisimu atentu su territóriu".