Portovesme srl: arrinviu de una cida po su protzessu. Est arrennésciu su sit in promòviu de is "Carlofortini Preoccupati"

(IlMinuto) – Casteddu, 29 de su mesi de cabudanni - Est stétiu arrinviau a su 4 de su mesi de ledàminis su protzessu a su responsàbili de su sitema de gestioni ambientali de sa Portovesme srl e a sa responsàbili de sa gestioni arrefudus de sa mantessi azienda. Is duus dirigentis funt acusaus de ai bófiu s'interramentu abusivu de deximilla metrus cubus de arrefus industrialis bessius de s'azienda - 15.000 tonnelladas de arrefudus toscus e noxilis - in is areas de Sètimu, Serramanna e asuta de s'arruga de s'ispidali casteddaiu Businco. Martis passau, a faci de su Tribunali de Casteddu - po sa prevìdia ribertura de su protzessu, poi arrinviau de una cida, a is duus dirigentis de sa Portovesme srl – s'est tentu unu sit in aprontau de su Comitau "Carlofortini preoccupati". A sa protesta ant participau rapresentantis de a Manca pro s’Indipendentzia, de Sardigna Natzione, Stefano Deliperi de su "Gruppo di intervento giuridico-Amici della Terra", su consilleri Angelo Cremone de sa Provìntzia de Crabònia-Igrèsias e su consilleri regionali indipendentista Claudia Zuncheddu. "Su Comintau 'Carlofortini Preoccupati' – si ligit in d-una nota - arringratziat chini est a su costai de is gherras nostras po essi bennius a su sit in chi s'est tentu a faci de su palatzu de giustítzia de Casteddu po su protzessu contra a is duus dirigentis de sa Portovesme srl acusaus de tràvigu e smartimentu illìcitu de arrefusus toscus".