Pranu nou de su Paisagiu. "Cagliari social forum": "In is costeras sardas est in arribu una cantidadi manna de ciumentu"

(IlMinuto) – Casteddu, 22 de su mesi de cabudanni - Si ant essi aprovaus is cambiamentus a su Pranu Regionali de su Paisagiu bófius de sa Giunta Cappelllacci "in is costeras nostras e in is terras nostras eus a biri ciumentu e ciumentu […] e su tempus benidori de sa Sardìnnia e de is levas noas iat essi cumpromitiu". Est cantu scririt in d-una nota de imprenta su "Cagliari social forum", grupu chi de pagu prus de dexi anni est ativu in sa difesa po s'ambienti. "Seus contràrius a custu Pranu nou - pretziasant is ativistas de su Csf - poita petzaus chi siat malu meda po s'ambienti e po s'ecunumia sarda, cussa bella e auténtica […] e seus fueddendi de sa messarítzia e de sa pastoria e de is energias birdis arrenovàbilis".