Sa bandera de sa Palestina isbentulat in su Gennargentu

(IlMinuto) – Casteddu, 27 de su mesi de cabudanni - Acotzai a sa poposta intrada de sa Palestina in s'Onu comenti stadu indipendenti portendi sa bandera a isbentulai agiudada de su bentu de Sardìnnia. Cun custu obietivu domínigu a mangianu unu grupu de militantis de sa manca at portau sa bandera palestinesa asuba de su Gennargentu, in Pedras Carpìdas. "No podeus connosci primu - scriri in d-una nota Gianluigi Deiana, unu de is aprontadoris de sa cosa - s'ésitu de sa proposta de intrada de sa Palestina in is Natzionis Unias […], prusaprestu sa chistioni de su stadu palestinesu est oi obertu a faci de s'assembrea generali de is Natzionis Unias, ma puru a faci de genti meda". Sa bandera in su Gennargentu espressat solidariedadi a su pópulu palestinesu in su mantessi mamentu chi bit su Guvernu italianu - pretzisat Deiana - "donai acotzu prenu a sa política ratzista de Nethanyahu e a is críminis de su sionismu".