Su Comitadu scririt a Massimo Zedda: “Si nd’est ‘scarésciu’ de sa língua sarda”

(IlMinuto) – Casteddu, 29 de su mesi de cabudanni - Su Síndhigu nou de Casteddu, Massimo Zedda, si nd'est 'scarésciu' dessintotu de sa língua sarda. In is 45 pàginis de declaratzionis 'programmatiche' no ddoi est difatis umbra de sa chistioni linguística. Est cantu denuntziat, in d-un'apellu a su Primu tzitadinu, Su Comitadu pro sa limba sarda Casteddu. Giai primu de su votu Su Comitadu iat scritu a Zedda e a is àterus candidaus a Síndhigu dimandendi - segundu cantu prevìdiu de sa Lei 482 de su 1999, "Normas in matèria de amparu de is minorias linguísticas istóricas" - "s'impínniu, chi fessat artziau a Síndhigu, a fai su Portellitu linguísticu comunali e a finantziai cunformementi una política linguística, aici comenti giai fatu in diversus comunus de sa Sardìnnia". Imoi s'apellu est po su Síndhigu: Zedda – proponit "Su Comitadu" - cumpletit is declaratzionis cun d-unu programa po sa língua sarda e po torrai a donai a Casteddu sa própriu indentidadi sarda.