Traballu. Cgil: “Centinas de traballadoris Cesil e Csl cun su cuntratu in scadéntzia”. Sit in in Casteddu

28 Cabudanni 2011
Image
contratto-in-scadenza.jpg


(IlMinuto) – Casteddu, 28 de su mesi de cabudanni - In Sardìnnia centinas de traballadoris a is serbítzius po su traballu in is Cesil funt precàrius de annus meda e cun su cuntratu in scadéntzia a sa fini de s'annu. 48 traballadoris de su Csl de Tàtari ant giai pérdiu su traballu, po mori de is cuntratus chi no funt stétius prorogaus nimancu finzas a su 21 de su mesi paschixedda, comenti prevìdiu de sa lei regionali. Est cantu denuntziat in d-una nota Giovanni Pinna, de sa segreteria de sa Funtzioni Pública Cgil, fadendi sciri ca custu mangianu ddoi at essi unu sit in a faci de su Consillu regionali de Casteddu. Una cunditzioni grai - is cuntratus prorogaus ant a scairi comentisiollat su 21 de su mesi de paschixedda - cuntratus chi, po Pinna, no arricit arrespustas profetosas de s'assessori regionali nou a su Traballu Antonello Liori. "Mancai - si ligit in d-una nota - is dimandas de atopu fatas de is segreterias regionalis Cgil Csl e Uil cunfederalis e de categoria, s'assessori regionali de su Traballu no at, a oi, lamau sa mesa po sa contienda chi bit trisinaus centinas de traballadoris".



© RIPRODUZIONE RISERVATA