Allevamentu. Mps: “Nisciunu controllu beru asuba de sa petza furestera. Prontus a presidiai is portus”

21 Ladàminis 2011
Image
carni-300x150.jpg


(IlMinuto) – Casteddu, 21 de su mesi de ledàminis - "Teneus novas tzertas chi narat ca in sa mesa de su Ministru Fazio ddoi siat giai prontu unu pragoni po brivai s'esportatzioni de petza de procu de sa Sardìnnia". Est cantu denuntziat cun d-una nota impensamentada su Movimentu Pastoris Sardus. Po Mps, difatis, chi su rapresentanti de su Guvergu Berlusconi at a firmai su pragoni iat essi "sa morti tzerta de su cumpartu chi in Sardìnnia est fatu de 15mila aziendas cun pagu prus de 180milla procus". Sa petza nostra - si ligit in d-una nota - "est controllada fintzas a s'arroscentzia mentris is animabis chi intrant in Sardìnnia no funt controllaus o mellus is controllus funt fatus mali, comenti eus biu po is crabas impestadas de "brucellosi" ci lompiànt de sa Sapagna". Su Movimentu est duncas prontu a pichetai torra "is portus de sa Sardìnnia comenti eus giai fatu in su 2010" po portai a càstiu sa petza in arribu, "aici una borta po sèmpiri eus a ponni in craru su scàmbiu de is mertzis intre is istadus de s'Unioni europea".




© RIPRODUZIONE RISERVATA