Casteddu. Lobina (Fds): "Trasparéntzia in sa gestioni de logus is aposentus comunalis"

(IlMinuto) – Casteddu, 24 de su mesi de ledàminis - Trasparéntzia prus manna in s'impitu de is logus comunalis, a cumentzai de is aposentus de sa cuarta circoscritzioni. Est cantu pedit cun d-unu comunicau de imprenta Enrico Lobina, consilleri comunali de sa Fds in su comunu de Casteddu. "Unus cantu aposentus de sa circoscritzioni n. 4 chi s'agatant in bia Castiglione - scririt Lobina - funt ocupaus e praticamenti no funt impitaus de is assótzius ‘Vivere Insieme’ e ‘Coccinelle’". "De custu mamentu - acrarat su rapresentanti de sa Fds - at essi profetosu chi is aposentus comunalis de Casteddu siat donaus a totu is chi ndi bolit fai impitu o chi bengat assinniaus cun métodus trasparentis a is chi s'impinniant in sa cultura o in su sotziali. Po custu, ap'a presentai un'interrogazioni chi at a fueddai de is aposentus de bia Castiglione, impari a is consilleris Petrucci, Mascia e Andreozzi".