Indipendentismu: Cungressu de Sni in Paùlle. Cumpostu cunfirmau cordinadori

(IlMinuto) – Casteddu, 17 de su mesi de ledàminis - Sni sceberat un'àtera borta a Bustianu Cumpostu. A pagu mesis de sa bitória de su referendum sardu contra a su nucleari, su cungressu de Sardigna Natzione at torra elìgiu difatis a s'indipendentista de Vithi - intre is protagonistas de sa mobilitada contra a su fàbricu de is tzentralis atómicas in s'Ísula - comenti cordinadori natzionali de Sni. In s'assembrea cungressuali - chi s'est tenta ariseru in sa saba Cungressus de Santa Cristina in Paùlle - ddoi furiant una centina de delegaus e meda genti chi est a su costau de su movimentu. In su Cungressu de Sni ant portau is saludus insoru is rapresentantis de Irs, aMpI, Paris, Psdaz, ProgRes, Indipendentistas, Rossomori, Sinistra critica sarda e de is sindacaus Css e Sindacadu de sa natzione sarda.