Sindrome de Cuirra: cras atopu po "fiimai sa destrossa". "Gettiamo le basi": "In pratza su 15 de dónnia mesi"

(IlMinuto) – Casteddu, 14 de su mesi de ledàminis - Su permissu de sa Cominssioni parlamentari de averiguatzioni asuba de s'uràniu impoberessiu a su spricullitu "epidemiologico" de sa Regioni in is tretus militaris de sa Sardìnnia no firmat sa denúntzia de su comitau "Gettiamo le Basi" e de s'assótziu "Famiglie di militari uccisi". Cras a mangianu a is 10.00, comenti dónnia 15 de su mesi a cumentzai de su mesi argiolas passau, ddoi at essi un'atopu in pratza de su Cramu, in Casteddu, po pediri un'àtera borta "beridadi e giustítzia po chini est mortu po mori de is belenus de gherra e po mori de su Poligonu e po dimandai de firmai a sa destrossa de stadu"."Su 15 de su mesi de argiolas passau - si ligit in d-una nota - eus fatu preguntas pretzisas a su rapresentanti de su Guvernu po firmai sa pidémia de tumoris e de is alteratzionis geneticas chi corpint  is logus de gherra, e chi trumentant a sa Sardìnnia po mori de is poligonus. Ddas eus arremaciadas su 15 de su mesi de cabudanni. Fintzas a candu no bideus fatus cuncretus [...] po frimai a sa destrossa - pretzisant 'Gettiamo le basi' e s'assótziu 'Famiglie di militari uccisi' - eus a cabai in pratza su 15 de dónnia mesi".