Acuntéssia Bellomonte: medas is adesionis a su sit in de cras in Casteddu. A sa terza diri s’isciòpiru de su fàmini de solidariedadi

(IlMinuto) – Casteddu, 18 de su mesi de totussantus - Crescit sa solidariedadi ingíriu a Bruno Bellomonte. A pugu diris de sa senténtzia, chi at essi pronutziada fortzis lúnis chi benit, si mortipricant is aztioni chi denuntziant sa persecuntzioni política contra a is comunistas e contra a s'indipendentismu chi, puru po sa redatzioni de "IlMinuto" est patendi su dirigenti de a Manca pro s’Indipendentzia. Lissentziau de Trenitalia e impresonau de tzitadinu innotzenti e chena de nisciuna cundenna de duus annus e mesu. Cras a mangianu in Casteddu, a faci de su Palatzu de Giustítzia in pratza Repúbrica, a cumentzai de is 10.00 s'at a tenni unu sit in aprontau de su Cumitau Pro Bellomonte, chi a oi at arriciu unu númeru mannu de adesionis de assótzius, movimentus, partidus políticus e tzitadinus. "Duus annus e cincu mesis de presonia (in d-unu presoni de màssima seguresa), primu de una calisisiat cundenna - pretzisat in d-una nota su Comitau - no est un'impresonamentu preventivu, est scéti unu trumentu mannu". Ma su sit in de protesta no est s'única cosa chi s'est fadendi po tzerriai contra a custa acanarjadura. De mérculis 16 de su mesi de su mesi de totussantus Nicola Giua, istóricu arrapresentanti de is Cobas de s'Iscola, est in isciòpiru de su fàmini in solidariedadi a Bruno Bellomonte. Sa cosa at a sighiri fintzas a sa diri de sa senténtzia. Faint s'iscopiru de su fàmini puru Antonello Tiddia, a sa segunda diri de isciòpiru e - oi - Fabrizio Ortu. A su costau de Bellomonte puru su blogger Gianmarco Serra. "Su stadu italianu - scririt Serra - at liau sa libertadi a Bruno Bellomonte. Un'ómini innotzenti, chi dedicat totus is fortzas suas a sa causa de s'indipendentismu sardu, po sa libertadi de su pópulu suu e de sa terra sua".

Is adesionis a su sit in:

A manca pro s’indipendentzia

Sardigna Natzione indipendentzia

Sinistra Critica Sarda

Claudia Zuncheddu consigliere Regionale – Indipendentistas

Antonello Tiddia RSU Carbosulcis – CGIL

Dante De Angelis macchinista Rls Trenitalia

Partito della Rifondazione comunista Sardegna

Partito Comunista dei lavoratori

Comunisti Uniti

Comunisti – Sinistra popolare

Rete 28 aprile CGIL

Cobas Sardegna

USB Sardegna

Su sindacadu de sa Natzione sarda

Gettiamo le basi

Cagliari social forum

Associazione 5 novenbre

Disarmiamoli Sardigna

Assòtziu Zirichiltaggia

Associazione Don Chisciotte Cagliari

Circolo Centopassi Nuoro

Comitato No radar Capo Sperone Sant’Antioco

Malu Entu

Cobas scuola Sardegna

Michele Atzori (noto Dr Drer) cantante

Stranos Elementos – gruppo musicale

Alberto Balia – musicista

Valeria Pintus cittadina sarda Indipendentista

Martino Orrù indipendentista sardo

Collettivo comunista ( marxista –leninista ) Nuoro

Collettivo Anticapitalista sardo

Sinistra anticapitalista sarda

Blog “ Canelibereonline“

My blog libero Indipendente

Blog “Il minatore rosso“

Po is adesionis a s'isciòpiru de su fàmini scriri a: nicogiua@tiscali.it e a cobasardegna@gmail.com

Po is adesionis a sa manifestada in solidariedadi a Bruno Bellomonte scriri a: antonio.tiddia@alice.it