"Pichetu de su pópulu sardu": de su 7 de su mesi de totussantus in s'arburada Trentu po pediri s'apricu de s'artículu 51

(IlMinuto) – Casteddu, 29 de su mesi de totussantus - Sighit de su 7 de su mesi de totussantus su pichetu fissu de pópulu sardu in Casteddu, in sa pratza chi s'agat a faci de sa domu de sa Regioni Sardigna in s'arburada Trentu. Sa cosa - si ligit in d-una nota - "nascit po donai a totu su pópulu sardu sa possibilidadi de si uniri e de tzerriai a boxi manna ca SA SARDIGNA NO EST TERRA DE CONCHISTA e po otèniri s'apricu de s'Art. 51 de su Statutu". Sa protesta - acrarat in d-una nota Monighèe Pisanu, una de is féminas chi faint parti de su pichetu - sighit gràtzias a sa Consulta de su Pópulu Sardu e gràtzias puru a is personis chi "si funt spolladas de is banderas insoru po donai unu sinnu de unidadi manna, puru po arrespetu de chini no si bolit arreconnosci in nisciunu partidu".