Presonis: Sdr, in Sardìnnia 540 in abetu de giudítziu

(IlMinuto) – Casteddu, 7 de su mesi de totussantus - In is 12 presonis de sa Sardìnnia funt sèmpiri de prus is presoneris in abetu de giudítziu. Ddu denuntziat cun d-una nota de imprenta Maria Grazia Caligaris, presidenti de s'Assótziu "Socialismo Diritti e Riforme". De is primus de su mesi de austu a sa fini de su mesi de ledàminis - acrarat Caligaris - is presoneris in is presonis sardas in abetu de giudítziu in Sardìnnia funt passaus de 494 a 540, de custus, 241 abetant su primu protzessu. E sa presonia est fatuvatu prus difítzili po mori ca is istruturas funt prenas meda. "Scéti in su presoni de Buoncammino in Casteddu - pretzisat sa arrapresentanti sotzialista castiendi a su stadu de is penitentziàrius in Sardìnnia - ddoi funt pagu prus presonis (candu su logu est po 380)".