Sa Saras cicat su metanu. In Arbarèe nascit su comitau "Nou a su Progetu Lianora", aMpI: "Assachizamentu coloniali nou de is Moratti"

11 Onniasantu 2011
Image
metano.png
(IlMinuto) – Casteddu, 11 de su mesi de totussantus - Firmai su pranu de stuvonai de sa Saras po sa cica de su metanu est aprontendusì. In Arbarèe est difatis nàsciu su comitau tzitadinu "Nou a su Progetu Lianora". "Unu comitau - si ligit in d-una publicada in Facebook – fatu de tzitadinus de Arbarèe , traballadoris, istudiantis chi de unus cantu de cidas si dimandant poita un'argumentu de importu aici mannu po su tempus benidori de sa comunidadi nostra sit pigau pagu in cunsidériu". Est contra a su "Progetu Lianora" puru anche a Manca pro s’Indipendentzia."Sa manca indipendentista sarda si ligit in d-una nota - denuntziat su progetu filli de un'àters fura coloniali e s'impinniat a fai una mobilitada manna in su territóriu po firmai is arpiadoris italianus e is fainas de destrossa chi sighint a bolli fai asuba de sa terra nostra". Su comitau "Nou a su Progetu Lianora" cumbidat s'aministratzioni de Arbarèe a atuai beni. "Speraus chi s'aministratzioni comunali nostra torrit agoa […] poita pentzaus chi ddoi siat stétia una sutastima de sa chistioni e un'istudiu fatu unu pagheduu diaici asuba de is cosseguéntzias chi ant a ferri a totu su territóriu si si fait su fossu a 3milla metrus - acrarant is chi faint parti de su comitau - a pagus metrus de su stainu de S'ena arrubia, únicu giassu Comunu de Interessu Comunitàriu".
© RIPRODUZIONE RISERVATA
Tags