Universidadi. Carboni (Comitadu): "Su progetu po sa formatzioni de maistus in língua sarda comentzat scéti in Casteddu"

14 Onniasantu 2011
Image
lingua-sarda2.png

(IlMinuto) – Casteddu, 14 de su mesi de totussantus - In d-un'annu Sa Regioni Sardìnnia fincat in sa língua sarda scéti su 0,4 po centu de su dinai chi ddoi est po sa cultura. Ddu fait sciri cun d-una nota Mario Carboni, de su Comitau pro limba sarda. In su bilantzu de su 2011 - acrarat sa nota - sa Regioni finatziat 245.159.000 eurus po sa cultura, de custus scéti una fitixedda, 988milla, funt po su sardu. Su Comitau denuntziat puru s'apricu mancau de su programa po Formatzioni de maistus in língua sarda (Fils) in s'ateneu de Tàtari. "Su Comitadu pro sa limba sarda – si ligit in d-una nota - bit beni meda sa tucada de su progetu Fils progetau e chi s'est fadendi in s'Universidadi de Casteddu […]. Increscit torrai a fai notai comenti s'Universidadi de Tàtari no apat a oi nimancu cumentzau unu progetu símili" po sa língua sarda.


© RIPRODUZIONE RISERVATA