Avenimentus: a sa X Editzioni "AJO' A IPPUNTARE"

(IlMinuto) – Casteddu 3 de su mesi de paschixèdda - Lompit ocannu a sa X editzioni s'avenimentu "AJO' A IPPUNTARE" in programa sàbudu 17 de su mesi de paschixèdda in su comunu de Usini. Po afestai su deximu cumprimentu de is annus de su progetu, Usini, bidda de bingias e binu bellu, at detzidiu de fai cresci sa manifestada insertendi unus cantu de novidadis de importu mannu. Is produsidoris de sa bidda in provìntzia de Tàtari, difatis, ocannu ant a oberri is cantinas insoru su mangianu puru, de is 10.00 a is 13.00, cun su mantessi arrastu de sa manifestada de su merì, ma lassendi puru logus po is operadoris de su cumerciu de su cumpartu, cun proposta de produtus enòlogicus e propostas vatagiosas po chini est interessau. S'avenimentu no oferrit scéti atastus de binus, puru mùsica bella cun baddus e cantus. Ajò a Ippuntare est un'avenimentu aprontau de sa "Cunfraria de su Cagnulari" e de sa "Pro Loco" de sa bidda, chi at tentu s'agiudu de su "Cuncordu de Usini", cun su contributu de s'aministratzioni Comunali, s'apògiu de sa Regioni Autonoma de Sardìnnia e de sa Provìtzia de Tàtari e cun su sussidiu de totus is produsidoris de binu. Po ndi sciri de prus scriri a: confraternitadelcagnulari@gmail.com