“Di lavoro si muore, di precarietà si vive!”. Atzioni de is Gc de Aristanis in ammentu de Cristina Allegretti

(IlMinuto) – Casteddu, 28 de su mesi de paschixèdda - "Di lavoro si muore, di precarietà si vive!". Custa sa scrita in su striscioni apicau cenàbara de is "Giovani Comunisti" de su Prc de Aristanis, in bia Casteddu. Sa scrita furiat acumpanzada de unu mustajoni crocau in terra "símbulu - si ligit in d-una nota - de totus is operàjas e is operàjus mortus in su traballu". "A issus - acrarant is Gc - boleus dedicai s'atzioni nostra e po su prus dda boleus dedicai a Cristina Allegretti, sa picioca precària chi in su mesi de Totussantus est stétia tragada de una zisterra candu furiat traballendi in d-una butega de sabonis sciortus in Aristanis". A cantu narant is tzirfas de s'Osservatoriu indipendenti apitzus de is mortis biancas, arremonai de is Gc, in su 2010 funt stétias cincu is mortis in su traballu (contendi is mortus in itinere e is traballadoris chentza de essi stétius postus in seguresa) in sa provìntzia de Aristanis.