Galsi: crescint is adesionis a sa manifestada no galsi de su 10 de su mesi de paschixèdda. Css e Sni promovint una consultatzioni atressu de is sms

5 Mese de idas 2011
Image
Galsi2.jpg


(IlMinuto) – Casteddu, 5 de su mesi de paschixèdda - Su 14 de su mesi de paschixèdda, in Roma, s'at a arreuniri sa Cuferéntzia de is Serbítzius po nai su fueddu, forsis, definitivu, apitzus de su Galsi. Pagu diris primu, su 10 de su mesi de paschixèdda, at a cabai in pratza in Casteddu su movimentu chi narat ca no a su Metanodotu Algeria Sardìnnia Itàlia* e a su Putzu Saras in Arborea. Sa cosa est stétia presentada sàbadu passau, in d-una cuferéntzia de imprenta a faci de su Consillu regionali de sa Sadìnnia. "Su corteu - at acrarau Cristiano Sabino, boxi de a Manca pro s’Indipendentzia, s’organizatzioni chi at promòviu sa manifestada - at a tucai de pratza de is Centumilla e at a lompi a faci de sa domu de sa Regioni, poita sa Regioni at tentu un'arrolu de importu mannu in s'operatzioni Galsi. Un'òpera chi at essi scéti una tzerachia de trasida po permiti a su continenti de arriciri su metanu. A is sardus no at a intrai nudda de custa operatzioni. Custu sceberu est stétiu impostu cun d-unu métodu chi contravenit […] is cuntzetus de sa demogràtzia e de interventu populari. Eus a tenni milla e prus de milla ispropiamentus fatus a sa marolla". Sabino at duncas arremaciau s'abisóngiu de unu pranu energéticu natzionali sardu. A sa cuferéntzia de imprenta ant pigau parti puru arrapresentantis de movimentus e fortzas políticas chi de tempus meda gherrant contra a su Galsi. "Po ponni su metanodotu - at pretzisau Claudia Zuncheddu (Indipendentistas) - ant essi scantzaius prus de 420 arrius. Una destrossa 'idrogeologico' manna meda. Ma no est acabau innoi, po s'ecunumia e su traballu custu metanodotu no essi po nudda profetosu po sa Sadìnnia. Su traballu at essi donau a impresas chi no funt sardas". De cuàturu annus su Comitau "ProSardegnaNogasdotto" - fatu de legistas, archeólogus, antropologus e inginnieris - batacollat su progetu Galsi. "Su 14 de su mesi de paschixèdda - at pretzisau Sergio Diana po su Comitau - ddoi funt personis chi ant a andai in Roma a sa cuferéntzia de is serbítzius, e ant nai ca eja a custu progetu, chentza de ai ligiu una pàgini de su protetu etotu. Nos de su Galsi no si ndi fadeus nudda". Comenti at pretziasu Zuncheddu, sa finatziaria de su 2011 donat 150 milionis po su Galsi, ma no ddoi est custu dinai po is 'interconnessioni' cun is arretzas tzitadinas (aundi ddoi funt). "Depeus nai ca no a custu mostru - at nau Antonello Boassa de su Casteddu Social Forum - e promovi una proposta diversa chi castit a s'arrispàrmiu de s'energia e si movat in faori de is 'fonti alternative', cun d-unu svilupu fundau apitzus de sa messarítzia, de sa pastoria, de su turismu e de s'industria lezera". Asuba de sa chistioni ant fueddau puru Sni e Css, chi in d-un'atopu in s'hotel Mediterràneu ant fatu sa proposta de una consultatzioni de su pópulu sardu, po tres mesis, consultatzioni chi s'at a depi fai atressu de is sms . Tres is arraspustas: eja, no e "se" (unu eja chi pretendit allatzus ambientali i económicus a su fàbricu de su metanodotu).


*Adesionis a sa manifestada natzionali fintzas a su 5 de su mesi de paschixèdda


Comitato ProSardegnaNoGasdotto


A Manca pro s’Indipendentzia


Sinistra Critica sarda


Associazione Zirichiltaggia


Comunisti – Sinistra popolare di Cagliari e del Sulcis


Partito comunista dei lavoratori


Disarmiamoli Sardigna


Social Forum


Solarussa in Movimento


Liberta’ Sarda


Comitato Carlofortini Preoccupati


Gruppo Tutti i sardi contro il Galsi


Claudia Zuncheddu (consigliere regionale)


Massimiliano Mazzotta (regista)



© RIPRODUZIONE RISERVATA