Una dimanda po salvai Tuvixeddu-Tuvumannu

(IlMinuto) – Casteddu, 5 de su mesi de paschixèdda - Acotzai sa proposta de lei regionali po fai su Parcu de Tuvixeddu–Tuvumannu cun d-una firma. Custu s'obietivu de sa dimanda - chi podit essi firmada puru online - promòvia de Legambiente Sardìnnia. Intre is primus a ai firmau sa cosa ddoi est Giovanni Lilliu, archeólogu e académicu de is "Lincei" chi giai in su 10981 iat propostu de fai "de Tuvixeddu un parcu archeológicu públicu". Ma a oi, in su 2011 - pretzisat sa dimanda de Legambiente - "su ciumentu amaletzat s'innidesa de sa necròpoli punica prus manna de su Mediterràneu". De sa chistioni s'est fueddau puru ariseru a merì in Casteddu (Facoltadi de Inginneria) in sa cuferéntzia "Tuvixeddu: miniera urbana” de s'archeólogu Alfonso Stiglitz.