Alcoa: oi atopu in Roma. Cuàturu oras de isciòpiru Portovesme. Prc: "Prontus a si movi cun is traballadoris"

(IlMinuto) – Casteddu, 13 de su mesi de gennàrgiu - Sa contienda Alcoa lompit in Roma. Oi a is 11.00, in sa domu de su Ministru de su Isvilupu económicu est difatis in programa un'atóbiu inte su Guvernu, sa Regioni, is sindacaus e is multinatzionalis. S'azienda est sèmpiri prus firma a serrai s'istabilimentu de su Surcis. Po custu oi is traballadoris Alcosa de Protovesme iscioperant po cuàturu oras: de is 10.00 a is 14.00. Apitzus de sa chistioni fueddat cun d-una nota Laura Stochino, segretàriuregionali de su Prc.  "Su partidu de  sa 'Rifondazione Comunista-Federazione della Sinistra' – scririt Stochino apitzus de sa contienda Alcoa - est prontu a acotzai cun is militantis e is aministradoris suus is mobilitadas chi is ant a determinai e mandai a innantis in is diris chi benint is traballadoris e is traballadoras de su Surcis e s'at a fai parti ativa po aprontai de una mobilitada manna meda.