Ambienti: in Igrèsias sit in contra a s’ammanniamentu de muntronaxu de Genna Lunas

(IlMinuto) – Casteddu, 5 de su mesi de gennàrgiu - Nai ca no a s'ammanniamentu de su depósitu  de arrefudus nous in su muntronaxu de Genna Lunas. Cun custu obietivu su Comitau "Carlofortini Preoccupati" at aprontau po cenàbara 13 de su mesi de gennàrgiu a is 9.00 unu sit in de protesta in Igrèsias, a faci de sa domu de sa Provìntzia. Su muntronaxu pretzisat su Cumitau - "est atesus pagus dexinas de metrus de terrenus traballaus e pagus chilómitrus de unus cantu de biddas: sa fratzioni de Barega (1,8 km), Igrèsias (3,5 km), Bidda Matzràxa (8 km), Domunoas (10 km) e Musei (10,5 km). Cun d-un'araxi lébia is pruninis e is impestaduras de su muntronaxu podint lompi in pagu minutus in is satus e in is biddas acanta".