"Bivi su satu". 1300 aziendas trisinadas in su progetu de sa Provìntzia de su Campidanu de Mesu. Publicau su bandu nou

(IlMinuto) – Casteddu, 3 de su mesi de gennàrgiu - Lompit a su de cincu annus su progetu "Bivi su satu" promòviu de sa Provìntzia de su Campidanu de Mesu. Po presentai is dimandas po pigai parti a su bandu, publicau in is cidas passadas, ddoi est tempus fintzas a su 13 de su mesi de gennàrgiu. In su 2011 funt stétias 1.300 e prus is aziendas chi ant aderiu a "Bivi su satu". "In custu mamentu de crisi económica grai - at cumentau su presidenti de sa Provìntzia Fulvio Cocco - eus bófiu donai unu sinnabi de sighidura manna. Sa furtuna e su númeru de chini at pigau parti a su progetu ' Bivi su satu' at cunfirmau ca sa messarítzia e sa pastoria funt is cumpartus de punta de su territóriu".