Imparu: 120 adesionis a s’isciòpiru de su fàmini po no “lassai morri s’iscola”

(IlMinuto) – Casteddu, 24 de su mesi de gennàrgiu - Aumentant is adesionis a s'isciòpiru de su fàmini in difesa de s'istrutzioni pública aprontau de su Comitau precàrius de s'Iscola de Aristanis. A  sa de úndixi diris de protesta funt difatis assumancu 120 is personis chi ant sceberau de no papai po "no lassai morri s'iscola de fàmini". Oi ant a isciopirai Maddalena Calvisi, Lorena Marceddu, Maria Luisa Loche e Natalina Cardia. Is adesionis ant trisinau totu su territóriu de sa Sardigna e puru tzitadis comenti Roma, Napoli, Salernu e Aretzu. "S'isciòpiru - si ligit in d-una nota - ponit impari chi at traballau po s'iscola in custus annus, mancai is arragus e is pagus risossas. Est boluntadi nostra truncai sa strategia de su 'divide et impera' chi persighit su propòsitu de nudriai sa gherra chentza de fini intre poberus. Un'única batalla s'unit: sa difesa de s'iscola".