Imparu: 86 adesionis a s'isciòpiru de su fàmini po salvai s'iscola pública

16 Gennàrgiu 2012
Image
sciopero-della-fame2-225x300.jpg
(IlMinuto) – Casteddu, 16 de su mesi de gennàrgiu - Prefessoris, istudiantis e genti "cumpassiva a faci de sa cosa". Funt giai 86 is adesionis a s'isciòpiru de su fàmini a stafeta po denuntziai sa política de is irminorigamentus chi ferrit a s'iscola pública. Sa cosa, promòvia de su Cordinamentu precàrius de s'Iscola de Aristanis, ad sighiri fintzas a sa metadi de su mesi de fiàrgiu. Su mandau de pagamentu de is istipendius, abarraus agoa, de Madalena Calvisi – sa maista precària chi si furiat abarracada po protesta in su cortili de un'istitutu de Aristanis - no at frimau s'iniziativa. Is adesionis crescint diri po diri. Oi, 16 de su mesi de gennàrgiu, no papant Istevana Abis, Gisepu Tuozzo, Nella Burrai, Andria Santucciu e Lisandru Rosas.
© RIPRODUZIONE RISERVATA