Istrutzioni: un’isciòpiru de su fàmini po salvai a s’iscola pública

(IlMinuto) – Casteddu 12 de su mesi de gennàrgiu - Denuntziai un'àtera borta sa política de is tàglius fatus a s'iscola pública. Cun custu obietivu su Cordinamentu Precàrius Iscola Aristanis promovit un'isciòpiru de su fàmini a stafeta. "Is efetus malus meda de is tàglius - si ligit in d-una nota chi acrarat is arrexonis de s'isciòpiru - funt ladinus a totus: precariau sèmpiri prus mannu, lissentziamentus a carretas, s'auséntzia de paga , violatzioni de su diritu a s'istúdiu in dógnia gradu". Su Cordinamentu cumbidat a totus is tzitadinus a pigai parti a sa protesta in sa pàgini facebook "Scuola: dalla miseria alla fame". "Pedendu a totus, babus e mamas, istudiantis, traballadoris, dipendentis de s'iscola, e a totus is chi ndi tenint gana de pigai parti a sa cosa. S'iscola est a diunzu: no dda lasseus morri de fàmini!". S'iscòpiru de su fàmini at a cumentzai sàbudu 14 de su mesi de gennàrgiu, diri chi innoi no at a papai Madalena Calvisi, sa maista precària chi po denuntziai su tardamentu de su pagamentu de is istipendius at postu is tendas in su cortili de s'iscola de Aristanis aundi traballat.