"No a su dinai liau a sa cultura e s'ispetàculu". Petitzioni pedit de mudai sa Finantziaria 2012

(IlMinuto) – Casteddu, 27 de su mesi de gennàrgiu - Su dinai chi nd'at a depi liai sa Finantziaria a s'esàminu de su Consillu regionali arriscat de fai dannus mannus a sa cultura e s'ispetàculu in Sardigna. Est cantu denuntziat sa petitzioni on line "No a su dinai liau a sa cultura e a s'ispetàculu: cali fàbrica de sa fantasia in s'annu nou?", chi in pagu oras at superau is 60 firmas."Sa proposta de Finantziaria - si ligit in sa petitzioni - previdit po su 2012 dinai liau po prus de su 60% a sa Cultura e s'Ispetàculu (-40 po centu a is Iscolas cívicas de música, -50 po centu a su Teatru Líricu de Casteddu, -62 po centu a s'Ispetàculu de su "vivo", -60 po centu a sa Produtzioni cinematografica e su dinai liau puru a is Bibliotecas, Archívius, Museus, etc.)".