"S'atopaus po aprontai sa contriedadi a su Guvernu Monti". S'apellu de su Casteddu Social Forum

(IlMinuto) – Casteddu, 16 de su mesi de gennàrgiu - Mario Monti at remplasau Silvio Berlusconi a sa ghia de su Guvernu, ma s'ataccu a is diritus de is traballadoris e is ispesas militaris foras de conca e is òperas inútilis e malas comenti sa Tav e su Galsi sighint comenti o peus de primu e cun s'acotzu de "sa chi est sa manca" in Parlamentu. Est cantu pretzisat, cun d-una nota longa, firmada de Salvatore Drago e Rosalba Meloni, su Casteddu Social Forum. "Su nostru - acrarant Drago e Meloni – bolit essi unu cumbidu po s'atopai e chistionai apitzus de comenti si movi, ita fai po si fai intendi e po contrariai su Guvernu Monti".