Progetu Lianora. Zuncheddu (Indipendentistas): "S'assessorau de s'Ambienti fatzat totus is anàlisi chi serbint"

(IlMinuto) – Casteddu, 29 de su mesi de fiàrgiu - Su responsàbili po s'Ambienti in sa Giunta regionali, Giorgio Oppi, "depit donai a s'Assessorau suus is dispostas netzessàrias po assegurai su màssimu profundamentu de is anàlisi po sa valutatzioni de is efetus ambientalis de su progetu Lianora". Aici acabat sa motzioni presentada in Consillu regionali de Claudia Zuncheddu, rapresentanti de is Indipendentistas, apitzus de su progetu de circa de gas naturali in su tretu de Arborea presentau de sa Saras.Po Zuncheddu - si ligit in sa motzioni po s'assesori a s'Ambienti, datada 7 de su mesi de fiàrgiu - su giassu sceberau po sa pertusadura est "incomodu meda, poita est atesu 300 metrus scéti de su stàinu de S’Ena Arrubia, amparau de sa Conventzioni internatzionali de Ramsar, de s'avincu de su paisagiu, de su pranu de su paisagiu i est puru giassu de importàntzia comunitària e tretu de amparu ispeciali".