Referendum: sardus a su votu su 10 de su mesi de làmpadas

(IlMinuto) – Casteddu, 21 de su mesi de fiàrgiu – S'annullamentu de is Provìntzias sardas bécias e noas , s'irminorigamentu de su númeru de is consilleris regionalis a 50, un'assembrea costituenti po torrai a scriri su Statutu de sa Sardigna, s'eletzioni direta de supresidenti de sa Regioni atressu de is primarias, sa supressioni de is Consillus de aministratzioni de is Entis e de is Agentzias de sa Regioni.Funt custus is temas apitzus de is calis is sardus ant a depi nai s'insoru su 10 de su mesi de làmpadas chi benit. Su presidenti de sa Regioni, Ugo Cappellacci, at difatis firmau in is diris passausas su decretu chi fissat is 10 referendum po custa data.