Sanidadi: su Tar bullat is irminorigamentus a is pranus de sa 162. Si ndi prexat su Comitau po s'apricu de sa lei

(IlMinuto) – Casteddu, 13 de su mesi de fiàrgiu - S'irminorigamentu a is finatziamentus de is pranus ad personam de sa lei 162 est straviau. Cun d-una senténtzia de una pariga de diris fait su Tar de sa Sardigna at difatis frimau sa delíbera de sa Giunta regionali chi donàt is finatziamentus castiendi a su réditu de sa família imbecis de pigai in cunsidériu su réditu de su malàdiu: unu determinu chi portàt a s'irminorigamentu grai de su finantziamentu de tantis progetus. Su "Comitau de is famílias po s'apricu de sa lei 162" si ndi prexat."Imoi unu númeru mannu de personis disàbilis chi iant biu is progetus insoru amenguaus fintzas de su 70 po centu - si ligit in d-unu comunicau - ant torrai a agatai is risorsas chi ddis ant a permiti de tenni un'assistu prus bellu, comenti est scritu in sa lei 162, modellu Sardigna"