"Su guvernu de bancheris aplicat sa 'cura greca'. Sàbudu in Casteddu sit in de solidariedadi cun su pópulu grecu

(IlMinuto) – Casteddu, 17 de su mesi de fiàrgiu - Nai ca no a su guvernu de is bancheris e de is profesoris, difèndiri is diritus concuistaus, espressai solidariedadi a is traballadoris de sa Grecia in su mamentu prus incolliosu. Cun custus obietivus su "Cagliari social forum", s'Usb/pensionaus e "Disarmiamoli"/Sardigna at aprontau po cras a mangianu a is 11.00 unu sit in in pratza Costitutzioni, in Casteddu. Po is aprontadoris su guvernu Monti apricat sa "mantessi" cura chi at portau s'ecunumia greca a sa destrossa."Is terapias impitadas de su guvernu de is professoris - si ligit in d-una nota - funt chepari a is de sa Grecia: irminorigamentu de is pagas, de is diritus, de is serbítzius sotzialis, […], liberalizatzioni e privatizatzionis chentza de cuscéntzia e chentza de renuntziai a is profetus e a is privilégius insoru".