Tuvixeddu. Uras (Sel): "Una lei po su parcu". Is dúbius de su Gig: "Bolint agatai traballu a calencunu?"

(IlMinuto) – Casteddu, 24 de su mesi de fiàrgiu - S'istitutzioni de unu parcu ispàniu aintru de su coddu de Tuvixeddu, cun s'agiudu económicu de 90 milionis de eurus in tre annus. Est cantu previdit sa proposta de lei presentada in Consillu regionali de (Sel) e de rapresentantis de Pd e Idv. De su documentu fueddat cun d-una nota su Grupu de Interventu Giurídicu. "Fadendu un'esamu lestru - si ligit in su giassu de su Gig - s'iscopu est positivu (fai su parcu de Tuvixeddu), ma ddoi funt elementus de dúbius mannus. Ita abisóngiu ddoi at de istituiri un''enti parcu', un 'comitau diretivu' e unu 'comitau issentíficu', e previdiri sa figura de unu 'diretori?E su trisinamentu de sa Provìntzia de Casteddu? A cali títulu, biu ca totu s'area [de Tuvixeddu] est in su territóriu comunali casteddaiu? Si bolint fai dopionis po agatai traballu a calencunu? No funt própriu is tempus giustus, no est aria".