aMpI no si frimat. Sa denúntzia contra a megamercaus s'afortiat

(IlMinuto) – Casteddu, 13 de su mesi de martzu - Furiat cumentzada cun d-una campagna muraria e unu dossier, sa denúntzia de a Manca pro s’Indipendentzia contra a sa de sa Gdo chi "bochit s’economia sarda". Sàbudu 10 de su mesi de martzu sa manca indipendentista est cabada in pratza, o mellus in su mercau cívicu de Tàtari, símbulu de su cumértziu prus pitiu de su logu, po mori de is efetus destruidoris de is tzentrus cumetzialis asuba de is fainas de is butegheddas. Is megamercaus, difatis, ant furau sèmpiri de prus sa vida a is butegas de su tzentru tzitadinu e a is mercaus de is cuarteris ponendi in crisi su caminu crutzu intre produtoris e consumadoris. "Una cumpetzioni chi no est scéti económica" acrarant is militantis de a Manca "ma est puru intre duus modellus sotzialis e de isvilupu difarentis e contràrius: de una parti su de su mercau o de sa buteghedda comenti logus de atopu e coesioni sotziali, de s'àtera su modellu de su tzentru cumertziali inoi is relatzionis sotzialis s'annichilant intre is bancus de su frigu e su consumismu foras de contu". Una campagna chi a pustis de is artículus in is giornalis, lompit in is pratzas cun sa finalidadi de "un'assembrea pública innoia tristinai a sa comunidadi totu, poita ponni in genugu is butegheddas bolit nai ispèrdiri totu s'istrutura sotziali sarda".