Contienda Sardigna: adesioni de Zuncheddu a s'odg chi at fatu tremi a Villa Devoto

(IlMinuto) – Casteddu, 22 de su mesi de martzu – "Boleis andai addia de is partidus de bosàterus, addia de is méritu, de is medàllias e de is destrossas chi si donais apari apari i essi óminis de sa natzioni sarda, truncai custu sganimentu de su giogu de su presenti, propòniri una novidadi chi no s'est mai bia in Itàlia?". Est custa sa pregunta chi faint is firmadoris de s'ordini de is argumentus de tratai, presentau unus cantu de diris fait in Consillu regionali, a Pd e Pdl. Un'Ordini de is argumentus de tratai, su presentau in àula de Paolo Manichedda, e firmau de Sanna, Dessì, Maninchedda, Planetta, Uras, Sechi, Cocco, Cugusi, Steri e Salis, chi contrariat meda a su stadu italianu. Su stadu italianu chi "no at mai notificau a s'Unioni europea (únicu stadu menbru a si cumportai diaici) - s'acrarat in su documentu - sa previsioni de su Statutu sardu po unu regimi fiscali atuau po sa Sardigna". Sa mantessi Itàlia "timit a una Sardigna cun d-unu regimi fiscali diversu […]. Sa Sardigna, est stétiu cumprovau, est stétia bocia primu de su fiscu piemontesu e imoi de su fiscu italianu, chi, [...] su Presidenti de sa Corti de is Contis, at definiu 'ingiustu, chi no ndi giuat e castigadori po sa genti onesta'". Unu documentu, cussu in chistioni, chi profilat cun craresa sa situtzioni económica e sotziali de crisi manna chi ferrit a su pópulu sardu. Agoa de pagu diris Caludia Zuncheddu puru, ausenti de s'ísula, at donau totu s'adesioni sua a s'odg chi at fatu tremi a Villa Devoto. "Naturalmenti dongu s'adesioni mia a custu odg - narat s'assessori Regionali indipendentista Zuncheddu - [...] Sa tramperia de 60 annus de 'autonomia 'crétia' est asuta de is ogus de totus. [...] Oi su progetu de indipendentzia no podit poniri a parti sa pretesa e su lompimentu de unu caminu de soberania culturali, económica, energetica, alimentari, finantziaria e fiscali ainnantis de  sa cali sa Regioni Autónoma de Sardigna e sa assembrea massima sua no si podint passai".